Хожение за три моря Афанасия Никитина (другой перевод и текстологическая обработка)

В Бедери же ихъ стол Гондустану бесерменскому, а град великъ и людей много велми. А салтанъ великий 20 лѣтъ, а то содержатъ бояре.

И с салтаном рати его выходитъ 300 000, а з бояры его выходитъ с меликту- чаром 200 000, а с Меликханом 100 000, а с ыными со многими по 20 000 и по 10 000; и земля велми людна, а бояре силны и пыщны ⁶. А носятъ ихъ на кроватех сребреных, а кони пред ними водятъ в снастех золотых.

А селские люди голы добрѣ. А выѣздъ ихъ добрѣ чюденъ. На потѣху егда султанъ выѣзжаетъ с материю и з женою, ино с ним конных 10 000, да пѣшихъ 50 000 человѣкъ, а слоновъ водятъ нарядных 200 в доспѣсех золоченых, да 100 человѣкъ трубниковъ, да плясцевъ 100 человѣкъ, да простых коней 300 в снастех золотых, да обезьянъ 100, да блядей 100, а все гаурки.

Во двор же султановъ седмеры ворота, а в воротѣх по 100 человѣкъ сторожей, да по 100 писцевъ кафаров: кто взыдетъ и изыдетъ, и они записываютъ, а гариповъ не пускаютъ. А дворъ зѣло чуденъ, все на рѣзи и золотом описано. А стрегутъ град Бедер в нощи 1000 человѣкъ кутовало- вых, а ѣздятъ в доспѣсехъ на конѣхъ, а у всѣхъ по светычю. И ту II аз л. 4іь в Бедери продал жеребца своего, и наложилъ много, а кормилъ год. В Бедери же змии ходятъ по улицам, длиною въ двѣ сажени. А пришел есми въ Бедерь о Филипове заговѣние ^аис Колунгеря, а жеребца продал о Рожествѣ, а был тутъ до Великаго ⁶заговейна. И познахся тут со многими индѣяны, и познали мя, что аз ^вне бесерменин, но християнинъ, имя мнѣ Афонасей, а по-бесерменски имя мнѣ хозя Ифусъ Хоросани, и они не почали пи в чем скрываткся, ни жен своихъ не хоронили ^г. И я ихъ испытал

о вѣрѣ ихъ, и они сказывают, что вѣруютъ въ Адама, а бута сказывают, то есть Адамъ. А всѣхъ вѣръ во Индѣи 84 вѣры, а всѣ вѣруют в бута. А вѣра с вѣрою ни пьетъ, ни ѣстъ, ни женятся межи себе. А ядятъ бо- раны, куры, яйца, а воловъ всѣ вѣры ихъ не ядятъ.

АД от Бедери поидохъ к Первоти, то ихъ Иерусалимъ, а по-бесермен- ски Мягкать ⁶, дѣ ихъ бутханы, и шел мѣсяцъ. Бутхана же вельми великъ, камень, с пол-Твери, и рѣзано на стѣнахъ дѣяние бутово, какъ бутъ чюдеса творил, и какъ ся имъ являл многими образы человѣческими: а ино человѣкъ, а нос слоновъ, а ино человѣкъ, а лице обезьянино, ино же подобие человѣкъ, а ^жобраз лютаго звѣря, а являлся имъ все ³с хвостомъ, а хвостъ через него с сажень, рѣзаны на камени. И в той град съѣзжается вся страна Индѣйская на чюдо бутово; да у бутханы брѣются старые жонки и’дѣвки, на себѣ волосы и бороды, ча потом идут к бутхану; да со всякие головы емлютъ по двѣ шекъ тени пошлинъ на бута, а с коней л. 415 об. по 4 футы, а съѣзжается к бутхану всѣхъ людей безчисленно II множество. Да туто же в буханѣ вырѣзай бут из камени велми великъ, хвостъ через него, да руку правую поднялъ высоко, а в лѣвой рукѣ копие, гол, толко гузно ширинкою обязано, а видѣние лица его обезьянино. А иные буты наги, нѣтъ ничево, котъ ачюкъ, а жонки бутовы наги вырѣзаны и с соромом и з дѣтми. Да перед ³бутом же стоит вол велми великъ, вырѣзанъ ис камени ис чернаго и позолочен весь, а цѣлуютъ его в копыто, а сыплют на него цвѣты, а на бута тоже цвѣты сыплютъ ⁶.

Не ядят же индѣяня ни мяса, ни рыбы; а ядят днем дважды: брынецъ, да кичири с маслом, да травы розные; и ножа не держат, и лжицы не знаютъ. А з бесермены ни пьют, ни ядятъ. А в дороге у всякаго® по горньцу, и всякъ себѣ кашу сваритъ, и ядятъ — покрываются платом, чтоб его никто не видѣлъ, а посмотрит бесерменъ на ѣству, и онъ не ястъ. А как ѣсти, и они преж омываютъ руки и ноги и ротъ полощутъ.

А поклоны ихъ на востокъ, руки подимают ^гвысоко, да изляжет ницъ на землю, и протягнется весь по земли. А бутханы ихъ без дверей, ставлены на востокъ же, а буты стоят на востокъ же. А кто у них умретъ, и они тѣхъ жгутъ, да пепелъ сыплют на воду. А у жоны ^ддитя родится, ино бабитъ муж, а имя сыну даетъ отецъ, а дочери мати. А добровтра ⁰у них нѣтъ и сорома не знаютъ. А иные кланяются по-чернеческий, обѣ руки дотычгот до земли, а не говорятъ ^жничево.

К Первотѣ же ѣздятъ о Великом заговѣйне къ своему буту ³по-бесер- менскы ^иМякъка, а по-руский Иерусалимъ, а по-инъдѣйский Парватъ. л, 4іб А съѣзжаются II всѣ наги, мужи и жонки, толико на гузне плат или фата, а на шеяхъ у жонокъ жемчюгъ и яхонтов много, а на рукахъ обручи да перстни златы. А внутрь к бутхану ѣздятъ на волѣхъ, а у вола рога окованы медью, да на шее колоколцовъ 300, а копыта подкованы; а тѣ волы ачьче зовутъ. Инъдѣяне же вола зовут отцем, а корову матерью; а калом ихъ пѣкутъ хлѣбы и варятъ еству и тѣмъ пепелом мажут по челу и по всему лицу и по тѣлу. А в недѣлю и в понедѣльникъ ядят единожды днем.

От Первати же приѣхал яз в Бедерь за пятнатцать ³дний до бесермен- скаго ⁶улу багря. А Великого дни воскресения Христова не вѣдаю, а по примѣтам гадаю: Великъ день християнский бывает первѣе бесермен-

скаго багрима за 9 дний или за 10, потому что кои были книги со мною взяты с Руси, и то ^впограблено, и аз ^гпозабыл вѣру християнскую и праз- никовъ никоторых не помню. А промежу есми поганых розных вѣръ токмо молился есмь богу вседержителю, творцу неба и земли, а иного никоего не призывал. А какъ мѣсяцъ мартъ прошел, и я заговѣлъ в недѣлю з бесермены, и ѣлъ по дважды днем хлѣбъ да воду, а скорому не ѣлъ.

А от Гурмыза итти моремъ до Голатъ 10 дней ^д, а оттуду до Дѣгу 6 денъ, а от Дѣгу до Мошката, до Кучзрята, до Комбата 4 дни, а от Комбата до Чивиля 12 дней, а оттуду до Дабыля ⁶6 дней ^ж. Дабыль же есть пристанище в Гундустани ³послѣднее бесерменству. А от Дабыля до Колекота 25 дний, оттоле же до Силяна 15 дний, а оттуду до Шибаита ^имѣсяцъ итти, оттолѣ же до Пѣвгу ^к20 дний; а оттолѣ до Чини да до Мачина мѣсяцъ итти морем, II а от Чини до Китая итти сухом 6 мѣсяцъ, а морем 4 итти аросто л. 4ів об. хода чотом.

Гурмыз же есть пристанище великое, всего свѣта люди в нем бывают, и всякий товар в нем есть; что на всем свѣте родится, то в Гурмызѣ есть все; тамга же велика, со всего десятое. А Камблятъ пристанище Индѣйскому морю всему, а товар в нем дѣлают алачи, да пестреди, да канъдаки, да чинят краску нилъ, да родится в нем лекъ, да ахикъ, да лонъ. Было есть пристанище велми велико, и привозятъ из Мисюрска кони, из Ра- баста и из Хоросани, и из Туркусани, из Негостани; да ходятъ сухом мѣсяцъ до Бедери, да до Келбергу.

Келекот ^аесть пристанище Индѣйскаго моря всего, а пройти его не дай ⁶богъ никакову кестяку, кто его ни увидит, тот здорово не пройдетъ морем.

А родится в нем всякого пряного зелия много и дешево.

Силянъ® же есть пристанище Индѣйскаго моря немало, а в нем баба Адам на горѣ высоцѣ. А около его родится каменье драгое, да червцы, да фатисы, да бабогури, да бинчай, да хрусталь, да сумбада; а продаютъ в локоть, а девякуши продаютъ в вѣсъ; да родятся слоны.

Шаибатское ^гпристанище Индѣйскаго моря велми велико, а хоро- санцемъ даютъ алафу по тенке на день, и великому и малому; а кто в нем хоросанецъ женитца, и князь Шаибатцкий дает по 1000 тенекъ на жертву, на алафу, да есть на всякий мѣсяцъ по 10 тенекъ. А родится в ШаибатеД шелкъ да сандалъ ⁶, жемчюгъ, и все дешево.

А ^жв Нѣгу же есть пристанище II немало, а живутъ в нем все дербыши ^л- ⁴¹⁷индѣйския. Да родится въ нем камение драгое маникъ, яхутъ, кирпукъ, а продаютъ камение не дербыши. Чинское ^аже да Мачинское пристанище велми велико, да дѣлаютъ в нем чини; а продаютъ чини в вѣсъ, а дешево.

А жены ихъ с мужьями своими спятъ в день, а к ночи ихъ ходятъ к га- рипом, да спят с ними и дают гарипом ⁶алафу, и приносят с собою яству сахарную и вино, да поят ихъ и кормятъ, чтоб еѣ любили, а любятъ людей бѣлыхъ, понеже ихъ люди черны велми; и которое от гостя зачнется бѣло, и мужь даетъ гостю алафу, пошлинъ 18 тенекъ; а родится черно, ино нѣтъ ничево, токмо пил да елъ, то ему халялъ.